Toni Kroos habit me deklaratën: Gjermania nuk ka ende futbollistë të nivelit botëror

Ish-mesfushori Toni Kroos është i bindur se përfaqësuesja e Gjermanisë ende nuk ka asnjë futbollist të klasit botëror.

Gjermania u mposht në mënyrë befasuese nga Paraguai dhe, si pasojë, i dha fund rrugëtimit në Kampionatin Botëror 2026.

Pas valës së kritikave ndaj gjermanëve, reagoi edhe Kroos, i cili tha se këto kritika nuk janë të drejta, sepse Gjermania nuk ka lojtarë të klasit botëror që mund të bëjnë diferencën.

“Ne (Gjermania) nuk kemi asnjë lojtar të klasit botëror, duhet të jemi të sinqertë për këtë situatë”.

“Kur kemi pasur turne të suksesshme në të kaluarën, gjithmonë kam pasur ndjesinë se mund të shkonim edhe më lart”.

“Ky ekip nuk është më në atë gjendje. Ne thjesht mendojmë se jemi më të mirë se Paraguai dhe se do të fitojmë disi”, deklaroi ai.

Ndërkohë, në kampin gjerman mbeten pikëpyetjet nëse Julian Nagelsmann do të shkarkohet, ndërsa Jurgen Klopp ka shprehur gatishmërinë për të qenë pasuesi i tij.