“Air Albania” do të presë gjysmëfinalen e parë të “Final – Four”, sfidë kjo që do të startojë në orën 20:00.
Partizani dhe Skënderbeu do të duelojnë mes tyre për biletën për në finalen e madhe të 26 majit.
Një sfidë ky sigurisht skuadrat kërkojnë edhe mbështetjen maksimale të tifozëve. Por mesa duket as në finalet e “Final – Four” nuk do të mbushen stadiumi.
Jemi pak orë para startit të këtij takimi dhe është mësuar edhe numri zyrtar i biletave të shituara deri tani.
Kështu sipas burimeve të “Neësport.al” mësohet se mbi 3500 bileta janë shitur deri tani.
Një numër jo shumë i lartë në krahasim me rëndësinë që ka kjo sfidë, duke “braktisur’ kështu dy ekipet në një nga ndeshjet më delikate të sezonit.
Gjithsesi theksojmë se jemi ende pak orë para ndeshjesh dhe siç jemi mësuar, tifozët “turren” të pajisen me biletata deri në minutat e fundit.
Mbetet të shihet se si do të jetë pjesmarrja e tyre dhe çfarë atmosfere do të krijohet në arenën kombëtare.
