Gianluigi Donnarumma shkoi tu kërkojë falje tifozëve të Italisë pas daljes nga EURO 2024 ndaj Zvicrës, por u kundërshtua nga tifozët e zemëruar në tribuna.
Kampionët në fuqi të Evropës u eliminuan nga Zvicra me rezultat 2-0, me golat e Remo Freuler dhe Ruben Vargas.
“Ne vetëm mund t’i kërkojmë falje të gjithëve. Vërtet dhemb. Ne zhgënjyem sot dhe Zvicra meritonte të fitonte, kështu që nuk ka asgjë tjetër për të thënë”.
“Ne kishim vështirësi gjatë gjithë ndeshjes, përveç në fund ku ata u kthyen pak në mbrojtje dhe ne ishim në gjendje të merrnim iniciativën, por ne vërtet duhej ta kishim bërë më herët”.
“Në pjesën e parë e humbëm topin shumë lehtë, u lamë shumë hapësira, nuk po shtypnim siç duhej. Ishte e vështirë, është një lojë shumë e vështirë për t’u gëlltitur, por kështu shkoi dhe ne duhet ta pranojmë”.
“Na mungonte pak nga gjithçka sot, na mungonte guximi dhe cilësia. Performanca e pjesës së parë ishte shumë e keqe, sepse ata gjithmonë kishin iniciativën. Në pjesën e dytë, ne duhej të fillonim fuqishëm, në vend të kësaj pranuam menjëherë gol dhe kjo e bëri edhe më të vështirë”.
“Ne ishim zhgënjyes, i zhgënjyem njerëzit, duhet ta pranojmë këtë. Zvicra kishte shumë kohë për të menduar, ne nuk ishim mjaft agresivë. Na mungonte dëshira për të reaguar, për të ndihmuar njëri-tjetrin. Sot na mungonte gjithçka”, ka thënë kapiteni i Italisë, Donnarumma.
