Salah tregon çfarë e bindi të niste një kapitull të ri te Trabzonspori

Pas nëntë vitesh në “Anfield”, Mohamed Salah ka rrëfyer për vendimin emocional për t’u larguar nga Liverpooli dhe ka zbuluar arsyen që e shtyu të transferohej në Turqi te Trabzonspori.

“Po largohem nga një vend në Liverpool ku njerëzit më duan. Ata më kanë dhuruar gjithmonë dashuri dhe respekt. Kam qëndruar atje për nëntë vjet”, deklaroi Salah.

Sipas yllit egjiptian, vendimtar në zgjedhjen e tij ishte vizioni i presidentit të Trabzonsporit, Ertugrul Dogan, si dhe ambicia për të ndërtuar një projekt të ri te klubi turk.

“Ajo që më bindi ishte ambicia e presidentit të klubit dhe projekti që ai po përpiqet të ndërtojë”, u shpreh 34-vjeçari.

Salah e mbylli periudhën e tij te Liverpooli si golashënuesi i tretë më i mirë në historinë e klubit, pasi realizoi 257 gola gjatë qëndrimit në “Anfield”.

Edhe fillimi i aventurës së tij të re në Superligën turke ka qenë i shkëlqyer. Sulmuesi egjiptian ka shënuar tre gola në tri paraqitjet e para me fanellën e Trabzonsporit.