Rudiger i jep “po”-në Jose Mourinhos, Real Madridi i zgjat kontratën edhe me dy sezone

Antonio Rudiger do të mbetet te Real Madridi për edhe dy vite të tjera.

Eksperti i merkatos Fabrizio Romano bën të ditur se mbrojtësi qendror gjerman e ka firmosur zyrtarisht marrëveshjen e re me klubin spanjoll, kontratë që e lidh me “Santiago Bernabeu” deri në verën e vitit 2027.

Kontrata e mëparshme e 33-vjeçarit përfundonte në fund të këtij muaji, por mes palëve është gjetur dakordësia për të vijuar bashkëpunimin. Zyrtarizimi nga ana e Real Madridit pritet të bëhet publik në 24 orët e ardhshme.

Gjatë sezonit të ardhshëm, Rudiger parashikohet të ketë peshë të madhe në repartin e prapavijës së “Los Blancos”, tashmë nën drejtimin e trajnerit Jose Mourinho.

Futbollisti gjerman së fundmi u hodh në fushë nga stoli në suksesin e thellë 7-1 të Gjermanisë ndaj Curacaos, në takimin hapës të Botërorit.

Në të njëjtën kohë, Real Madridi po vijon përpjekjet për të përforcuar mbrojtjen, ndërsa raportohet se ka siguruar marrëveshje për transferimin e Ibrahima Konate, Denzel Dumfries dhe Marc Cucurella, që pritet t’i bashkohen ekipit në muajt në vijim./