Pas barazimit ndaj Gironas, Napoli iu rikthye suksesit në miqësoren kundër Augsburgut me shifrat 1-0, në ndeshjen e luajtur në kampin stërvitor në Castel di Sangro.
Pa Osimhen dhe Kvaratskhelia ende të padisponueshëm, Zielinski gjithashtu ka një problem në gju, sakaq vlen të theksohet se të grumbulluar ishin vetëm 15 lojtarë nga ekipi i parë.
Një ndeshje që u luajt me ritëm të lartë, por që pati vetëm një gol.
Goli vendimtar i shënuar nga Rrahmani erdhi në minutën e 62-të nga një goditje këndi, me asistimin e Elmasit. Miqësorja e radhës për Napolin është me 11 gusht ndaj qipriotëve të Apollon.
