Real Madridi ka kaluar me shumë mund në çerekfinale të Ligës së Kampionëve, pasi eliminoi RB Leipzigun me rezultat të përgjithshëm 1-1.
Ndeshja e parë në Gjermani kishte përfunduar 1-0 në favor të Los Blancos, ndërsa ndeshja e dytë ishte edhe më spektakolare.
RB Leipzig nuk e kishte presionin para një gjiganti, duke dhuruar një paraqitje fantastike në 45 minutat e parë.
Benjamin Sesko dhe Lois Openda lëshuan nga dy raste të atrta shënimi, duke mos arritur të realizonin nga pozicione të qind për qindta për gol.
Pjesa e dytë pati një skenar tjetër, me Real Madridit që filloi të tregonte më shumë nga loja e tyre.
Rodrygo rrezikoi në minutën e 63-të, por që nuk arriti të shënjëstronte saktë portën e skuadrës gjermane.
Për të ndezur atmosferën në Santiago Bernabeu u përkujdes Vinicius Junior (65’), që u asistua nga Jude Bellingham nga një aksion i nisur prej Toni Kroos.
Por, RB Leipzig nuk u dorëzua dhe shtoi presionin mbi vendasit kur shënuan në minutën e 68-të me anë të Willi Orban, që u asistua nga David Raum.
Los Blancos ia dolën të mbanin këtë epërsi prej një gole nga dy takimet, për të siguruar kalimin në çerekfinale. /Telegrafi/
