PSG-ja me ofertë marramëndëse për Khvicha Kvaratskhelian

Paris Saint-Germain ka filluar të përgatisë një mega ofertë për sulmuesin anësor të Napolit, Khvicha Kvaratskhelian.

Trajneri i PSG-së, Luis Enrique e ka identifikuar anësorin gjeorgjian të forcuar sulmin në verë pas largimit të Kylian Mbappe, i cili pritet të bashkohet me Real Madridin.

Kvaratskhelia ka vazhduar të impresionojë për Napolin këtë sezon, duke shënuar 10 gola dhe duke dhënë nëntë asistime në 42 ndeshje.

Ai është ende në kontratën fillestare të nënshkruar kur u bashkua nga Dinamo Batumi, duke fituar vetëm 1 milion euro neto në sezon.

Le Parisien raporton se si PSG është gati të ofrojë të paktën 80 milionë euro për Kvaratskhelia këtë verë, duke besuar se ai do të jetë zëvendësuesi i përsosur për Mbappe.

Atij do t’i ofrohet edhe një kontratë fitimprurëse, me një pagë shumë më të lartë se ajo që merr aktualisht me Napolin.

Tashmë ka pasur shumë raunde bisedimesh mes klubit francez dhe agjentëve të anësorit gjeorgjian, por është e qartë se Aurelio De Laurentiis nuk dëshiron ta lërë 23-vjeçarin të largohet për më pak se 100 milionë euro.