Ka ndodhur sërish. Një tjetër ndeshje në Botërorin e Klubeve është ndërprerë përkohësisht për shkak të kushteve të pafavorshme atmosferike.
Benfica ishte në epërsi 1:0 ndaj ekipit amator Auckland City, kur vërshëllima e pjesës së parë sinjalizoi jo vetëm fundin e 45 minutave të para, por edhe një pauzë të papritur.
Në ekranin e madh të stadiumit në Orlando u shfaq një njoftim zyrtar: ndeshja do të ndalet përkohësisht për shkak të motit të keq.
Sipas protokollit të sigurisë në Orlando, çdo aktivitet sportiv duhet të ndërpritet për të paktën 30 minuta nëse regjistrohet stuhi në zonë – dhe pikërisht kjo ndodhi.
Ky nuk është rasti i vetëm. Vetëm një ditë më parë, për të njëjtën arsye, u ndërprenë edhe dy përballje të tjera të turneut: Palmeiras – Al Ahly në New Jersey dhe Mamelodi Sundowns – Ulsan.
Goli i vetëm i takimit deri në ndërprerje u realizua nga Angel Di Maria, i cili ishte i saktë nga pika e bardhë në minutën e tetë shtesë të pjesës së parë.
