Para 3 ditësh Serbia publikoi listën me lojtarët e ftuar për ndeshjen me Shqipërinë dhe Andorrën, të vlefshme për Botërorin 2026.
Por sot trajneri ka bërë ndryshime, duke ftuar dy lojtarë të rinj.
Vanja Dragojeviç, mori një telefonatë nga trajneri Dragan Stojkoviç në minutën e fundit, kështu që nga ekipi U21 kaloi te skuadra e parë. Kjo është thirrja e parë e Dragojeviçit me Serbinë.
Trajneri ka ftuar edhe anësorin e Vojvodinës, Lazar Rangjeloviç.
Stojkoviç do të mbajë një konferencë për shtyp në Stara Pazova në orën 11:00. Sot, kombëtarja serbe fillon përgatitjet për ndeshjen kyçe në kualifikueset e Kupës së Botës, kundër Shqipërisë në Leskovac të shtunën (11 tetor). Pas kësaj, kanë një ndeshje në Andorra.
