Alvaro Morata ka folur për mbarëvajtjen e sezonit me Juventusin.
Në një intervistë për “Onda Cero”, Morata ka folur për rikthimin e tij në Juventus.
“Ishte një sezon mjaft i vështirë, dukej se nuk do të mund të kualifikoheshim për Ligën e Kampionëve, por në fund patëm fat me rezultate”, tha ai.
“Megjithatë ishte një vit i suksesshëm sepse fituam Kupën dhe Superkupën e Italisë”, shtoi ai.
“Nuk jam i lodhur, në ndeshjet e fundit nuk kam luajtur shumë”, tha Morata.
“Tani është koha të rigjenerohemi dhe të jemi të gatshëm 100% për Kampionatin Evropian”, përfundoi Alvaro Morata./
