Mbappe zbulon tre legjendat që do t’i rikthente te Real Madridi

Kylian Mbappe ka përmendur tre emra historikë të Real Madridit që do të dëshironte t’i shihte sërish në skuadër, duke zgjedhur Cristiano Ronaldon, Zinedine Zidanen dhe Ronaldo Nazario në vend të futbollistëve aktualë.

Francezi po vijon aktivitetet e tij mediatike përpara ceremonisë së Topit të Artë 2026, çmim të cilin shpreson ta fitojë.

Gjatë një interviste për AS, sulmuesi u pyet se cilët lojtarë do të transferonte te madrilenët nëse do ta kishte një mundësi të tillë.

“Cristiano Ronaldo, Zinedine Zidane, Ronaldo, nëse do të mund të riktheheshin”.

“Cristiano do të rikthehej. Zizou ende luan pak kohë pas kohe. Ndërsa Ronaldo… cilësia nuk zhduket kurrë. Ata janë legjenda të Real Madridit. I kanë dhënë shumë klubit dhe vazhdojnë të ngjallin një emocion të jashtëzakonshëm te tifozët e Madridit”.

Mbappe u ndal edhe te marrëdhënia në fushë me Vinicius Juniorin dhe Jude Bellinghamin, duke nënvizuar se dy yjet e Real Madridit karakterizohen nga mënyra të ndryshme loje.

“Ata janë lojtarë shumë të ndryshëm. Bëjnë gjëra krejtësisht të ndryshme në fushë. Në disa aspekte të lojës është më e lehtë me Juden. Në të tjera me Viniciusin, Arda Gulerin, Brahim Diazin, Yan Diomanden apo Carlos Espin”.

“Espi do të shënojë shumë gola këtë sezon. Ai ka një nuhatje të vërtetë për golin”.

Fjalët e tij vijnë pas asistimit që Mbappe i dha Espín në minutat shtesë të përballjes me Elchen, ndërsa Real Madridi siguroi tri pikët.

Pavarësisht kësaj, Mbappe është aktualisht lojtari me më shumë raste të mëdha të humbura në La Liga, me nëntë të tilla. Vinicius Junior, ndërkohë, ka humbur pesë./