Mbappe kap Klosen në renditjen historike të golashënuesve të Botërorit, Messi mbetet i pari

Kylian Mbappe po vazhdon të lërë gjurmë në Kupën e Botës. Falë dy golave të realizuar në triumfin 3-0 të Francës kundër Irakut, ylli francez është ngjitur në vendin e dytë të listës së golashënuesve më të mirë të të gjitha kohërave në Botëror.

Me golin e parë ndaj Irakut, Mbappe arriti shifrën e 15 golave dhe u barazua me legjendën braziliane Ronaldo Nazario. Më pas, me realizimin e dytë, ai shkoi në kuotën e 16 golave, duke u vendosur krah ish-sulmuesit gjerman Miroslav Klose.

Francezi 26-vjeçar tashmë e ndan pozitën e dytë me Klosen, ndërsa mbi ta renditet vetëm Lionel Messi. Kapiteni i Argjentinës e kishte marrë më herët i vetëm kreun e kësaj liste historike, pasi arriti në totalin e 18 golave në Kupat e Botës.

Duke qenë se Mbappe vazhdon të jetë në kulmin e formës së tij dhe Franca mbetet ende në garë në Botëror, sulmuesi francez ka një rast shumë të mirë që të tejkalojë rekordin e Messit dhe të bëhet golashënuesi më i mirë në historinë e Kupës së Botës.

Golashënuesit më të mirë në historinë e Kupës së Botës:

1. Lionel Messi – 18 gola
2. Miroslav Klose – 16 gola
3. Kylian Mbappé – 16 gola
4. Ronaldo Nazário – 15 gola
5. Gerd Müller – 14 gola