Mbappe hyn në histori, francezi i pakrahasueshëm në Kupën e Botës gjatë 60 viteve të fundit

Kylian Mbappe po vazhdon të lërë gjurmë në futbollin botëror, duke rrëzuar rekorde dhe duke shtuar kapituj të rinj në historinë e lojës.

Sipas të dhënave të kompanisë së statistikave Opta, sulmuesi i Francës është i vetmi futbollist në 60 vitet e fundit që ka qenë i përfshirë në të paktën 10 gola në dy turne të ndryshëm të Kupës së Botës.

Në Botërorin 2022, Mbappe numëroi 10 kontribute direkte në gola, falë 8 realizimeve dhe 2 asistimeve. Ndërkohë, në Kupën e Botës 2026 ai ka shkuar në 11 përfshirje direkte, me 8 gola dhe 3 asistime.

Ylli i Real Madridit ka vendosur edhe një tjetër arritje të veçantë në historinë e Botërorit, pasi ka realizuar tetë gola që i kanë dhënë avantazhin ekipit të tij, më shumë se çdo lojtar tjetër në këtë garë.

Francezi është shumë afër edhe një rekordi tjetër të madh. Me 11 përfshirje direkte në gola në Kupat e Botës, ai është afruar me legjendën gjermane Gerd Müller, i cili në vitin 1970 shënoi 10 gola dhe dhuroi 3 asistime, duke pasur përgjegjësi të drejtpërdrejtë në 13 gola.

Arritjet e Mbappe nuk kufizohen vetëm te Botërori. Ai është bërë futbollisti i parë në histori që ka marrë pjesë drejtpërdrejt në 100 gola me kombëtaren e Francës, me 64 gola të shënuar dhe 36 asistime.

Në moshën 27-vjeçare, sulmuesi francez vijon të forcojë statusin e tij në futboll dhe po afrohet gjithnjë e më shumë me panteonin e emrave më të mëdhenj në historinë e këtij sporti.