Marrëveshja që kushtoi 2 milion dollarë, Wanda Nara dhe Maxi Lopez bëjnë paqe

Wanda Nara dhe Maxi Lopez kanë gjetur marrëveshjen, pas shumë seancave gjyqësore mes tyre. Bukuroshja kishte pretendimet e saj pas divorcit. Ajo kërkonte që Maxi të paguante për rritjen e tre fëmijëve të tyre, por ai refuzonte për shkak se ajo ishte martuar me Mauro Icardi.

Gjithsesi tashmë u gjet marrëveshja dhe Lopez i ka kaluar ish-bashkëshortes në pronësi një vilë në Buenos Aires, me vlerë 2 milionë dollarë. Maxi Lopez ndërkohë do të paguajë për rritjen e fëmijëve të tij çdo muaj, deri kur ata të mbushin 21 vjeç.

Fundi i mosmarrëveshjes ligjore mes Wanda Narës dhe Maxi Lopez. Pas vitesh betejash në gjykatë, sipërmarrësi dhe futbollisti më në fund kanë gjetur një marrëveshje që kënaq të dyja palët. Siç zbulohet në programin argjentinas Intruders, gjyqtari ka zyrtarizuar paktin e gjetur mes dy ish-bashkëshortëve.

Ish-sulmuesi i Sampdorias dhe Torinos ka shlyer të gjitha borxhet që kishte me ish-bashkëshorten duke transferuar vilën e tij në Santa Barbara, në Buenos Aires, te Wanda.

Për një kohë të gjatë Maxi Lopez nuk i paguante alimentacionin Wanda Nara dhe tre fëmijëve të saj të përbashkët: Valentino (13), Constantino (11) dhe Benedicto (10). Me shitjen e shtëpisë së tij janë shlyer të gjitha borxhet e vjetra edhe nëse sportisti do të duhet të vazhdojë t’u paguajë një kompensim mujor tre djemve deri në moshën 21-vjeçare. Kështu u mbyllën më shumë se 40 gjyqe që kanë vazhduar prej vitesh.

Vila në Santa Barbara, një lagje ekskluzive e Buenos Aires, është e ndërtuar në tre kate për një total prej 1800 metrash katrorë. Ka shtatë dhoma gjumi, pesë banja dhe dy garazhe. Vlera e pronës është rreth 2 milionë dollarë. Vila u ble nga Maxi Lopez kur ishte i martuar me Wanda Nara: martesa zgjati nga 2008 deri në 2013.