Maroku mposht me vështirësi Skocinë, goli rekord i Saibarit vulos suksesin

Maroku ka regjistruar fitoren e parë në këtë Kampionat Botëror, pasi doli triumfues përballë Skocisë.

Ndeshja u mbyll me rezultat minimal 0-1 në favor të marokenëve, në një duel tejet të ekuilibruar dhe të luftuar.

Njeriu vendimtar për afrikanët ishte Ismael Saibari, i cili realizoi një gol të bukur me volej pas asistimit të Brahim Diaz në minutën e 2-të.

Ky realizim erdhi pas vetëm 75 sekondash lojë, duke u bërë goli më i shpejtë i shënuar deri tani në këtë kompeticion.

Skocia u shfaq më kërcënuese në pjesën e dytë, veçanërisht në minutat e fundit, kur krijoi disa mundësi për gol, por pa mundur në asnjë moment të mposhtte prapavijën e Marokut.

Me këtë fitore, Maroku ngjitet në krye të grupit C me katër pikë, një më shumë se Skocia, ndërsa Brazili pritet të luajë ndeshjen ndaj Haitit.