Interi mbyll sezonin pa trofe pas humbjes shkatërruese në finalen e Ligës së Kampionëve.
Vetëm një muaj më parë, Interi shpresonte për një sezon historik, me objektivin ambicioz për të fituar tripletën.
Sot, sezonin 2024-25 e përmbyll pa asnjë trofe, pas një humbjeje të rëndë 5-0 ndaj PSG-së në finalen e Ligës së Kampionëve.
Entuziazmi ishte i madh kur trajneri Simone Inzaghi foli për mundësinë e katër trofeve, përfshirë edhe Kupën e Botës për Klube. Por, realiteti u përmbys shpejt.
Eliminimi nga Kupa e Italisë në gjysmëfinale nga Milani sinjalizoi fillimin e rënies. Pas kësaj, erdhi një humbje tjetër vendimtare në Serie A kundër Romës, duke i hapur rrugë Napolit drejt kreut të klasifikimit.
Humbja ndaj Romës ishte e treta radhazi në të gjitha garat, duke sjellë një kthesë dramatike në formën e skuadrës.
Edhe pse Interi rigjeti veten në Ligën e Kampionëve me një fitore spektakolare ndaj Barcelonës në gjysmëfinale (me rezultat të përgjithshëm 7-6), sërish nuk arriti të finalizojë asnjë objektiv.
Në Serie A, mundësia për ta rimarrë kreun i shpëtoi nga duart pas një barazimi në minutat e fundit kundër Lazios, ndërsa Napoli barazoi me Parman.
Humbja shkatërruese në finalen e Champions League në Mynih i vuri kapakun një sezoni që nisi me ëndrra të mëdha, por përfundoi pa lavdi për Nerazzurrët.
Como po vazhdon me ritëm të jashtëzakonshëm në Serie A. Skuadra e drejtuar nga Cesc Fàbregas mposhti Parmën 2-1 në…
Elseid HysajElseid Hysaj vijon të jetë pa ekip që prej largimit nga Lazio në muajin korrik [...]Read More...
Dashi Do jeni mjaft sensuale gjate gjithë kësaj dite dhe partneri do ju dashuroje me më shume pasion. Do kaloni…
Dhjetëra veteranë të Ushtrisë Çlirimtare të Kosovës kanë mbërritur në Hagë, në prag të seancës ku pritet të shpallet vendimi…
Pas përfundimit të marshimit në rrugët e Tiranës, një grup protestuesish u zhvendos te Gjykata e Lartë, ku qëndruan për…
Një skemë e re abuzimi me fondet e ushtrisë shqiptare ka dalë në dritë, duke zbuluar detaje tronditëse të menaxhimit…