Leverkuseni ia mohoi Italisë vendin e gjashtë në Ligën e Kampionëve, por ka ende një mundësi

Fitorja e Bayer Leverkusen ndaj Romës jo vetëm që ka ndaluar një finale të Ligës së Evropës tërësisht italiane, por gjithashtu ka penguar Italinë të marrë një vend të gjashtë në Ligën e Kampionëve sezonin e ardhshëm, të paktën tani për tani.

Atalanta do të takohet me Bayer Leverkusenin në finalen e Ligës së Evropës për edicionin 2023/24 në Dublin më 29 maj.

Kampionët e rinj të Bundesligës arritën një barazim 2-2 në gjysmëfinalen e dytë kundër Romës, duke siguruar një fitore të përgjithshme 4-2.

Roma kishte kaluar me dy gola epërsi, por gjermanët shënuan dy gola në dhjetë minutat e fundit, për të siguruar finalen ndaj Atalantas, e cila eliminoi Marseillen.

Italisë tashmë i është dhënë një vend shtesë në Ligën e Kampionëve të sezonit të ardhshëm, pasi e ka përfunduar matematikisht sezonin në dy vendet e para të renditjes së koeficientëve të UEFA-s.

Sidoqoftë, Italia ka një shans për të dërguar gjashtë klube në Ligën e Kampionëve në sezonin 2024/25 dhe fitorja e Bayer ndaj Romës ka bërë një ndryshim të madh për Serie A.

Italia mund të marrë ende vendin e gjashtë në Ligën e Kampionëve 2024-25, nëse Atalanta fiton Ligën e Evropës dhe përfundon jashtë top pesëshes në Serie A.

Roma, Atalanta dhe Lazio janë ende në garë për top pesëshen dhe La Dea do të takohet me Giallorossët në xhiron e radhës, të dielën e 12 majit.

Atalanta dhe Roma kanë 60 pikë, Lazio më pas me 56 pikë, por La Dea ka një ndeshje më pak. Nëse Lazio ose Roma përfundojnë në vendin e pestë dhe Atalanta fiton Ligën e Evropës, ata do të kualifikohen sërish në Ligën e Kampionëve, pasi kanë ngritur trofeun e dytë më të rëndësishëm të UEFA-s.

Në fund të fundit, nëse Atalanta fiton Ligën e Evropës dhe përfundon e gjashta në Serie A, skuadrat e vendit të shtatë dhe të tetë do të luajnë në Ligën e Evropës, ndërsa skuadra e nëntë do të kualifikohet në Ligën e Konferencave.

Mund të ketë edhe një vend tjetër shtesë për klubet italiane nëse Fiorentina fiton Ligën e Konferencës dhe përfundon jashtë një kualifikimi në Ligën e Evropës në Serie A. /Telegrafi/