Kriza e Realit dhe fati i Çabi Alonsos, Hansi Flik flet njëherë e mirë: Nuk më intereson se çfarë ndodh me ata

Hansi Flik, ka shmangur çdo referencë për situatën e Çabi Alonsos, ose epërsinë ndaj Real Madridit në orët para ndeshjes së La Ligës kundër Osasunës.

Është një temë që mund ta diskutojmë, nëse futbolli është i padrejtë apo jo ndaj trajnerëve, por nuk dua ta bëj, dhe nuk dua të flas për Madridin, vetëm për Barçën, për të cilën jam këtu,” u përgjigj ai dy herë.

“Nuk shqetësohem për Madridin, vetëm për veten tonë njëqind për qind dhe situatën tonë”.

Po epërsia prej 4 pikësh, e cila do të bëhej 7 me një fitore?

“Bah, është shumë larg. Jemi në dhjetor tani dhe ka shumë ndeshje të mbetura për të luajtur.

Është gjithmonë e rëndësishme të shohim veten, ende mund të bëjmë më mirë. Jemi të lumtur që jemi në krye të tabelës, por po qëndrojmë të përqendruar, dhe gjëja e rëndësishme është të qëndrojmë të përqendruar kur të mbarojë sezoni”.

Tema e nxehtë e kthimit të Ter Shtegen dhe largimit të tij të mundshëm në janar është analizuar qartë.

“Joan është numri një, askush tjetër, nuk ka dy ose tre, dhe nuk ka mendim për ta zëvendësuar Joan, sepse ai është numri 1. Sigurisht që flas me Ter Shtegen, gjithmonë flas me lojtarët e mi, por gjërat mbeten mes nesh”.

Rashford dhe konkurrenca

Flik shfrytëzoi rastin për të zbuluar një veçanti të qëndrimit të Rashford pavarësisht se është në stol.

“Unë flas me lojtarët kur nuk luajnë dhe shpjegoj pse, dhe ajo që më tha ditën tjetër ishte: ‘Zotëri, nuk keni pse të ma shpjegoni këtë. Kjo ka të bëjë me ekipin. Ne duhet të fitojmë tre pikët. Asgjë nuk është më e rëndësishme’. Ai është një lojtar shumë profesional dhe ka një mentalitet fantastik.” Ai ka arritur kulmin e tij”, pohon trajneri gjerman.