Dy ndeshje të pafavorshme dhe Reali po venitet, skuadra e Çabi Alonsos është e varur nga Mbape

Mbape luan mirë, Reali fiton, Mbape nuk është në formë skuadra madrilene është hija e vetvetes. Reali i Çabi Alonsos ka përjetuar rënien e parë serioze të sezonit, për fat të keq që përkon me një pushim ndërkombëtar, që do të thotë se shija e hidhur do të vazhdojë të paktën për dy javët e ardhshme, deri në ndeshjen kundër Elçes më 23 nëntor.

Disa gjëra kanë shkuar keq në këto dy humbje kundër Liverpulit dhe Rajo Vajekanos, por njëra bie mbi të tjerat.

Mbape është zbehur dhe Madridi me siguri po e ndjen mungesën e tij, sepse ndikimi i francezit në lojën sulmuese të Realit të Madridit është i jashtëzakonshëm, për mungesë të një fjale më të mirë për ta përshkruar atë.

Dhe pavarësisht këtyre dy ndeshjeve të dobëta, shifrat e Mbapesë mbeten mbresëlënëse, 18 gola në 15 ndeshje. Por nëse ai nuk shënon, Madridi e ndjen atë shumë.

Në fund të fundit, golat e tij përbëjnë më shumë se 50% të totalit të ekipit këtë sezon (18 nga 34).

Në Anfield, Mbape nuk ishte në formën e tij më të mirë, ashtu si pothuajse të gjithë të tjerët për Real Madridin, por të paktën ai ishte lojtari i me më shumë gjuajtje (tre). Por në Vajekas, as kjo nuk u shfaq.

Ai arriti vetëm një gjuajtje, shumë më pak se lojtarët e Madridit që kishin më shumë – Vinicius, Gyler dhe Militao, të gjithë me nga tre; dhe ajo gjuajtje nuk ishte në portë. Ai mezi përfundoi dy driblime të suksesshme dhe bëri vetëm 16 pasime, shumëpak për një futbollist si Mbape.