Jurgen Klopp po hap një kapitull të ri në krye të Kombëtares së Gjermanisë, ku synon të ndërmarrë ndryshime të shumta në përbërjen e ekipit. Sipas mediave gjermane, përzgjedhësi i ri ka në planet e tij 57 futbollistë, mes të cilëve gjenden si emra të rinj, ashtu edhe disa prej yjeve aktualë të “Mannschaft”.
None found
Mes kandidatëve është edhe Brajan Gruda, talenti 22-vjeçar me prejardhje shqiptare. Sulmuesi anësor i RB Leipzigut vlerësohet prej kohësh si një nga lojtarët më premtues të futbollit gjerman, ndërsa tashmë është vendosur edhe në radarët e ekipit të parë, sipas Welt.de.
Në listën me 57 emra nuk figurojnë portieri Diant Ramaj dhe sulmuesi Arijon Ibrahimovic. Të dy futbollistët kanë origjinë shqiptare, luajnë në nivele të larta në Gjermani dhe prej një kohe janë në kontakte me Kosovën.
Ramaj është formuar në akademitë e futbollit gjerman dhe ka përfaqësuar Gjermaninë në ekipet e grupmoshave. Portieri, i cili konsiderohet se ka potencial të madh, aktualisht është nën kontratë me Borussia Dortmundin, ndërsa më herët ka tërhequr vëmendje me paraqitjet e tij në Bundesligë.
Vëmendje në Gjermani ka marrë edhe Arijon Ibrahimovic, talenti ofensiv i Bayern Munichut. Futbollisti 20-vjeçar i përket klubit bavarez dhe ka luajtur për ekipet e të rinjve të Gjermanisë. Pas huazimeve te Lazio dhe Heidenheim, ai do të jetë pjesë e klubit gjerman gjatë këtij sezoni.
Përveç Grudës, në përzgjedhjen e Kloppit janë përfshirë edhe disa prej figurave kryesore të futbollit gjerman, si Joshua Kimmich, Florian Wirtz, Jamal Musiala, Kai Havertz, David Raum, Nico Schlotterbeck dhe Jonathan Tah. Këta lojtarë pritet të ruajnë një rol të rëndësishëm edhe në projektin e ri.
Klopp njihet për hapësirën që u jep futbollistëve të rinj dhe për aftësinë e tij në zhvillimin e talenteve. Ai ka bërë të ditur se Kombëtarja e Gjermanisë do të mbetet e hapur për çdo lojtar që dëshmon cilësi dhe potencial. Përbërja e publikuar sinjalizon se trajneri gjerman synon të ndërthurë përvojën e yjeve të tanishëm me energjinë e brezit të ri.
PartizaniNë 4 javë të luajtura, Partizani i drejtuar nga Florin Bratu numëron vetëm 4 pikë, ndërsa dje u mposhtën 2…
Baseli ka shënuar fitore të madhe në udhëtim te Luzern, sfidë ku tërë vëmednja ishte te ylli nga Kosova, Xherdan…
Derisa kryeministri i rizgjedhur, Albin Kurti ka ftuar Partinë Demokratike të Kosovës për bashkëpunim në Kuvend, duke kërkuar që kjo…
Ka nisur marshimi i protestuesve nga sheshi “Skënderbej” në drejtim të Kryeministrisë, në kuadër të protestës së ditës së 106…
Kryeministri Edi Rama ka reaguar sërish për diskutimet që lidhen me magjistratët dhe fondet e sistemit të drejtësisë, pas një…
Kreu i Partisë Mundësia Agron Shehaj, ka reaguar në lidhje me situate e krijuara për pagat e gjyqtarëve, dhe përplasje…