Kishte shqetësime në shpinë, Ozil kalon me sukses operacionin

Mesut Ozil që luan për Basaksehir në Superligën turke i është nënshtruar një ndërhyrjeje kirugjikale, pasi së fundmi shpinë e shqetësonte.

Pas kësaj ndërhyrjeje mesfushori i njohur do të qëndrojë larg fushave të blerta për disa muaj. Skenari më pozitiv për rikthimin e tij pritet të jetë 3 muaj, megjithatë gjithçka do të varet nga procesi i rikuperimit.

Për fat, operimi doli me sukses dhe vetë Ozil e sqaroi diçka të tillë nëpërmjet një reagimi në rrjetet sociale.

Ozil u transferua këtë verë nga Fenerbahce te Basaksehir teksa në këtë sezon mes paraqitjeve në kampionat, kualifikueset europiane dhe Conference League mesfushori ka grumbulluar vetëm 21 minuta.


Shtuar 4.10.2022 14:47