Jack Grealish po i afrohet një marrëveshjeje që do ta shohë atë të hyjë në një partneritet me kompaninë luksoze italiane “Gucci”, më pak se një vit pasi ai u bë lojtari britanik më i shtrenjtë i të gjitha kohërave kur u transferua nga Aston Villa në Manchester City për një tarifë prej 100 milionë paund.
26-vjeçari është bërë një nga fytyrat më të njohura në Angli në 12 muajt e fundit, pavarësisht se ka luajtur një rol të madh për ekipin kombëtar në Euro 2020, për shkak të paraqitjes së tij.
“Gucci” është një markë që Grealish e ka veshur rregullisht gjatë viteve, por tani ai do të përfitojë nga të qenit sportisti i parë që sponsorizohet nga shtëpia e njohur e modës.
Sipas “Athletic”, Grealish është në prag të nënshkrimit të një marrëveshjeje shtatë-shifrore me “Gucci”, e cila zakonisht përdor emra yjesh nga industria e muzikës dhe filmit për të promovuar produktet e saj.
Që prej transferimit te Manchester City verën e kaluar, 26-vjeçari ka bërë gjithsej 30 paraqitje, në të cilat ka shënuar katër gola dhe ka dhënë tre asistime./ h.ll/albeu.com
