Pas penalltisë së bujshme që iu mohua Torinos ndaj Interit, momenti i llogarisë po afron për Marco Guidën dhe Davide Massa.
Sipas “Gazzetta dello Sport”, pritet një dënim prej të paktën 3 ose 4 ndeshjesh, që do të thotë 1 muaj jashtë arbitrimit. Ky dënim do të shkojë për gjyqtarin kryesor dhe për gjyqtarin e VAR-it pasi asnjëri prej tyre nuk e shqyrtoi atë penallti të dukshme nga Ranocchia ndaj Belottit.
Për momentin nuk ka asgjë zyrtare, por përshtypja është se po shkojmë drejt një qëndrimi të prerë për gabimin e arbitrit dhe nënpunësit të VAR gjatë ndeshje Torino-Inter.
Nisur nga polemikat dhe qartësia e imazheve që kanë të bëjnë me faullin e Ranocchia ndaj Belottit, në fund të fundit, për Guidën dhe Massën nuk duket se ka vend për justifikime./ h.ll/albeu.com
