Cristiano Ronaldo është një nga futbollistët më të mëdhenj në historinë e futbollit, por karriera e tij është drejt fundit.
Ylli portugez është futur në vitin e tijt ë dytë te skuadra arabe Al-Nassr, derisa ka kontratë me këtë klub deri në verën e vitit 2025.
Duket se me përfundimin e kontratës me Al-Nassr portugezi do t’i japë fund edhe karrierës së tij të shkëlqyer.
Ka qenë e dashura e Ronaldos, Georgina Rodriguez që i ka kumtuar një mikes së saj se kur CR7 do t’i jap fund karrierës së tij.
Një video nga java e modës në Paris është bërë virale në rrjet, derisa Georgina i thotë mikes së saj se portugezi do t’i jap fund karrierës së tij pas një eventualisht dy viteve.
“Cristiano edhe një vit pastaj mbaron. Ndoshta dy, nuk e di”, i thotë Georgina mikes së saj.
Kaq ka mjaftuar që video në fjalë të bëhet virale në rrjete sociale dhe shumë nga tifozët e futbollit i vije keq pasi do të largohet një nga futbollistët më të mëdhenj.
39-vjeçari është në formë të shkëlqyer, ku në 29 ndeshje zyrtare këtë edicion në të gjitha garat me fanellën e Al-Nassr ka realizuar 28 gola dhe ka asistuar në 11 të tjerë.
🎙️ Georgina Rodriguez at Paris Fashion Week yesterday appears to confirm the end of Cristiano Ronaldo’s career is coming:
“Cristiano one more year, then it’s over. Maybe two, I don't know.” 😢🇵🇹
(🎥 @ArobaseGiovanny) pic.twitter.com/kZUgjt9pKx
— Transfer News Live (@DeadlineDayLive) March 2, 2024
