Pavarësisht fitores së thellë 3-0 të Mançester Sitit ndaj Kristal Palas, Pep Guardiola nuk ishte plotësisht i kënaqur me performancën e ekipit të tij, veçanërisht me atë të Fill Foden.
Siti kontrolloi posedimin e topit për periudha të gjata dhe bëri përshtypje me cilësinë e lojtarëve të tyre më të mirë, Erling Haland shënoi dy herë dhe goli i Foden në minutën e 69 ë, i asistuar nga Rajan Çerki, vulosi një ndeshje që nuk kishte qenë kurrë në dyshim.
Megjithatë, pas përfundimit të sfidës, vëmendja e Guardiolës u përqendrua te anglezi i ri. Ndërsa pranoi ndikimin e tij vendimtar, trajneri katalanas theksoi aspekte të lojës së tij që nuk e bindën.
“Ai e humbi topin shumë herë, ishte shumë i nxituar në çdo vendim”, shpjegoi Pep. “Fill duhet të mësojë të menaxhojë më mirë ritmin, të luajë më qetësisht, të ruajë posedimin, të lëvizë topin dhe të ndryshojë ritmin vetëm në momentin e duhur”, përfundoi ai.
Me 10 gola gjithsej në të gjitha garat, Foden mbetet një lojtar kyç në ekipin e Sitit, por Guardiola, besnik ndaj filozofisë së tij, nuk është i kënaqur.
Edhe kur fiton me autoritet, qëllimi është t’i çojë talentet e tij në një nivel edhe më të lartë përsosmërie.
