Tomas Myler, po bën bujë gjithashtu në MLS. Në moshën 36-vjeç, ish-ikona e Bajernit po shijon një rikthim te Vancouver Whitecaps, të cilët i udhëhoqi drejt titullit të Konferencës Perëndimore falë shifrave mbresëlënëse, 8 gola dhe 3 asiste në vetëm 11 ndeshje.
Një ndikim shkatërrues për një lojtar i cili, pavarësisht moshës së tij, vazhdon të demonstrojë qartësi dhe cilësi të pazakontë.
Fitorja 3-1 në San Diego, konfirmoi rritjen e qëndrueshme të ekipit kanadez, i cili tani përballet me ndeshjen më emocionuese dhe të shumëpritur të sezonit, finalen kundër Inter Majemit të Lionel Mesit.
Ky duel vë përballë dy nga yjet më të ndritshëm të dekadës së fundit të futbollit kundër njëri-tjetrit, megjithëse në rrugë të kundërta në karrierat e tyre.
Në fund të ndeshjes, duke folur për Apple TV, Myler nuk e fshehu entuziazmin e tij për këtë moment historik: “Jam shumë i lumtur. Të jesh pjesë e kësaj aventure është thjesht e paabesueshme. Majemi ka një ekip vërtet të fortë. Do të jetë një finale fantastike. E doja. Pra, le të shkojmë! Mendoj se është fantastike për të gjithë”.
