Categories: sport

Federatat e sportit kërkojnë pagesa të menjëhershme dhe paralajmërojnë veprime të koordinuara

Pjesa dërrmuese e federatave sportive në Kosovë ka shprehur shqetësim në lidhje me vonesat në dhënien e financimit publik, duke kërkuar nga institucionet që të përmbushin detyrimet financiare dhe të paraqesin një plan konkret pagesash brenda shtatë ditëve.

Përfaqësuesit e shumicës së federatave sportive të Republikës së Kosovës kanë publikuar një deklaratë të përbashkët, përmes së cilës ngrenë shqetësime për gjendjen financiare të sportit të organizuar në vend.

Të lidhura

None found

Në deklaratën e lëshuar pas takimit të 18 nëntorit në Prishtinë, federatat vënë në dukje se gjatë këtij viti shumë prej tyre nuk i kanë marrë këstet e parashikuara të financimit nga institucionet, pavarësisht se këto detyrime janë të përcaktuara në memorandumet e bashkëpunimit me ministrinë përgjegjëse për sportin.

Sipas tyre, në disa raste deri në muajin nëntor janë bërë vetëm pagesat e tremujorit të parë, gjë që e ka vështirësuar funksionimin e federatave, shlyerjen e detyrimeve ndaj klubeve, sportistëve dhe trajnerëve, si dhe organizimin e garave vendore dhe ndërkombëtare.

Prandaj, federatat kërkojnë që të kryhen menjëherë pagesat e mbetura, të bëhen transparente arsyet e vonesave, të hartohet një kalendar i sigurt pagesash dhe të ngrihet një mekanizëm që siguron financim të rregullt edhe për vitet e ardhshme.

Po ashtu, ato kërkojnë organizimin e një takimi të përbashkët me Ministrinë përgjegjëse për Sportin, Agjencinë e Sportit dhe Komitetin Olimpik të Kosovës, për të gjetur zgjidhje konkrete.

Federatat u kanë dhënë institucioneve një afat prej shtatë ditësh kalendarike nga dorëzimi i deklaratës për të dhënë përgjigje zyrtare dhe për të paraqitur një plan të qartë veprimi.

Në të kundërt, ato paralajmërojnë se do të shqyrtojnë hapa të mëtejshëm të përbashkët, përfshirë edhe mundësinë e rishikimit të organizimit të aktiviteteve sportive, duke theksuar se pa mbështetjen e nevojshme financiare nuk mund t’i përmbushin detyrimet e tyre.

Në fund, përfaqësuesit e federatave kanë nënvizuar se kjo deklaratë nuk është kundër institucioneve, por një thirrje për përgjegjësi dhe respektim të zotimeve ndaj sportit në Kosovë.

të fundit

Projektbuxheti 2027, ministri Ervin Demo: Rritja e ekonomisë të ndihet në çdo familje shqiptare

Ministri i Punëve të Brendshme, Ervin Demo, deklaroi se projektbuxheti 2027, i pari mbi 10 miliardë euro, synon që rritja…

5 minutes ago

Sunderland pa Xhakën para sfidës me Aston Villën, rikthimi i mesfushorit ende i pasigurt

Sunderland do të ketë një mungesë të rëndësishme në ndeshjen e radhës ndaj Aston Villas, pasi Granit Xhaka nuk do…

8 minutes ago

Përplasje e ashpër në Kuvend mes Kurtit dhe Bajramit: “Nuk jeni gjyqtare, por deputete

Kryeministri i Kosovës, Albin Kurti, është përplasur me deputeten e Lidhjes Demokratike të Kosovës (LDK), Hykmete Bajrami, gjatë seancës së…

23 minutes ago

Medical student Klea Veli denounces decision of 11 professors who dismissed her from Academic Senate: They removed me only because I supported protesters!

Studentja e Mjekësisë, Klea Veli, ka reaguar publikisht pas vendimit të 11 profesorëve për largimin e saj nga Senati Akademik…

23 minutes ago

Kilaj pas lirimit nga Haga: Të lësh pas shokët që janë vetë historia e Kosovës nuk është aspak ndjenjë e mirë

Ish-pjesëtari i Ushtrisë Çlirimtare të Kosovës, Isni Kilaj, ka thënë për KosovaPress se nuk është ndjenjë e mirë që është…

23 minutes ago

General strike paralyzes Italy on Friday, cancellations expected in transport and disruptions in education and health care

Italia pritet të përballet me një ditë të vështirë të premten, më 20 nëntor 2026, për shkak të një greve…

23 minutes ago