Franco Mastantuono ka vendosur emrin e tij në historinë e futbollit argjentinas, duke u bërë lojtari më i ri nga ky shtet që realizon një het-trik në pesë ligat kryesore të Evropës.
None found
18-vjeçari, i huazuar nga Real Madridi te Fiorentina, ishte vendimtar në triumfin 4-2 ndaj Venezias të premten. Ai shënoi tri herë dhe ndihmoi ekipin të siguronte pikët e para të sezonit.
Dy golat e parë Mastantuono i realizoi brenda 90 sekondash, rreth minutës së 30-të, ndërsa golin e tretë e gjeti pak para përfundimit të takimit, duke kompletuar het-trikun.
Në moshën 18 vjeç e 28 ditë, argjentinasi theu rekordin e Lionel Messit për lojtarin më të ri që shënon tri gola në një ndeshje në pesë ligat kryesore evropiane.
Messi e kishte realizuar het-trikun e parë me Barcelonën në mars të vitit 2007, kur ishte 19 vjeç e 259 ditë.
Paraqitja e tij ndaj Venezias e bëri Mastantuonon gjithashtu futbollistin më të ri në historinë e Fiorentinës që shënon het-trik.
“Për mua është një nder të hyj në historinë e një klubi kaq prestigjioz. Ishte e rëndësishme të merrnim një rezultat sot dhe luajtëm një ndeshje të madhe. Jam i lumtur për fitoren, përveç golave”, deklaroi Mastantuono.
Pas këtij suksesi, ai kryeson renditjen e argjentinasve më të rinj që kanë shënuar het-trik në pesë ligat kryesore të Evropës, duke lënë pas Lionel Messin, Mauro Icardin, Antonio Angelillon dhe Gonzalo Higuainin.
Argjentinasit më të rinj me het-trik në pesë ligat kryesore:
Franco Mastantuono – 18 vjeç, 28 ditë
Lionel Messi – 19 vjeç, 259 ditë
Mauro Icardi – 19 vjeç, 343 ditë
Antonio Angelillo – 20 vjeç, 17 ditë
Gonzalo Higuain – 20 vjeç, 334 ditë./
Valencia ka vendosur sulmuesin kosovar Vedat Muriqi në listën e lojtarëve që synon për të përforcuar repartin ofensiv gjatë afatit…
Kombëtarja e Kosovës në futboll nuk pati kampanjë të mirë në edicionin e pestë të Ligës së Kombeve, duke përfunduar…
Kosova është renditur ndër vendet me vlerësimin më të lartë për sigurinë dhe rendin publik në Evropë, sipas të dhënave…
Rruga Qafë Buall–Krastë, që lidh Bulqizën me zonën e Martaneshit, është bllokuar këtë të enjte pas shembjes së një masivi…
Ushtruesja e detyrës së kryetarit të Partisë Demokratike të Kosovës (PDK), Vlora Çitaku, ka konfirmuar se është arritur marrëveshje për…
Edhe 45.2 milionë denarë janë transferuar nga buxheti Qendror në Bankën Zhvillimore për t’i mbështetur investimet që kanë realizuar kompanitë…