Categories: kosovë

Kosova pozicionohet ndër vendet më të sigurta të Evropës në vlerësimin e Gallup-it për vitin 2025

Sipas të dhënave të fundit të Gallup-it për vitin 2025, Kosova renditet ndër shtetet me pikët më të larta në Evropë për sa i përket sigurisë dhe rendit publik.

Në Indeksin Global të Ligjit dhe Rendit, Kosova ka marrë 90 pikë nga 100 të mundshme, duke u pozicionuar në vendin e pestë në Evropë së bashku me Danimarkën dhe Finlandën. Ky rezultat e lë atë përpara disa prej ekonomive më të zhvilluara të kontinentit, përfshirë Gjermaninë, Francën, Italinë dhe Mbretërinë e Bashkuar.

Të lidhura

None found

Këto shifra bëjnë pjesë në raportin “The Global Safety Report 2026”, të publikuar nga kompania ndërkombëtare Gallup, dhe pasqyrojnë përgjigjet e mbledhura nga anketat e kryera gjatë vitit 2025.

Në krye të renditjes evropiane qëndron Islanda me 93 pikë, e ndjekur nga Zvicra, Lituania dhe Norvegjia, të cilat kanë marrë nga 91 pikë secila.

Pas tyre vijnë Kosova, Danimarka dhe Finlanda me nga 90 pikë.

Rezultati i Kosovës është më i lartë se ai i Gjermanisë, Portugalisë dhe Kroacisë, të cilat kanë siguruar nga 86 pikë. Polonia dhe Belgjika kanë arritur 84 pikë, Italia 82, Franca 81, ndërsa Mbretëria e Bashkuar ka marrë 80 pikë.

Edhe në raport me fqinjët rajonalë, Kosova kryeson: Shqipëria ka marrë 86 pikë, Mali i Zi 84 dhe Serbia 82 pikë.

Megjithatë, krahasuar me një vit më parë, Kosova ka shënuar një rënie prej 4 pikësh në këtë indeks, duke kaluar nga 94 pikë në vitin 2024 në 90 pikë në vitin 2025.

Në rang global, listës i prin Taxhikistani me 96 pikë, i ndjekur nga Singapori dhe Emiratet e Bashkuara Arabe me nga 95 pikë secila.

Indeksi Global i Ligjit dhe Rendit i Gallup-it vlerëson perceptimin dhe përvojat e qytetarëve në lidhje me sigurinë personale, besimin te policia lokale dhe përballjen me kriminalitetin.

Ky vlerësim bazohet në katër tregues kryesorë: ndjenjën e sigurisë kur ecet vetëm gjatë natës, besimin te policia lokale, përvojat me vjedhjet e pronës dhe rastet e sulmeve apo grabitjeve të raportuara gjatë 12 muajve të fundit.

Raporti është ndërtuar mbi bazën e anketave të zhvilluara me qytetarë në 140 shtete dhe territore të botës, duke reflektuar nivelin e sigurisë së përjetuar dhe besimin te rendi publik.

Pavarësisht rënies krahasuar me vitin 2024, rezultati prej 90 pikësh e mban Kosovën ndër shtetet evropiane me vlerësimin më të lartë të qytetarëve për sigurinë dhe rendin publik.

të fundit

Weston McKennie kundërshton zërat për Manchester United: “Nuk kam ndërmend të largohem nga Juventusi

Weston McKennie ka mohuar kategorikisht mundësinë e largimit nga Juventusi, duke hedhur poshtë raportimet që e lidhin me një transferim…

2 minutes ago

Valencia këmbëngul për transferimin e Vedat Muriqit

Valencia ka vendosur sulmuesin kosovar Vedat Muriqi në listën e lojtarëve që synon për të përforcuar repartin ofensiv gjatë afatit…

8 minutes ago

Ilir Krasniqi, mbrojtësi më i dalluar në Ligën e Kombeve

Kombëtarja e Kosovës në futboll nuk pati kampanjë të mirë në edicionin e pestë të Ligës së Kombeve, duke përfunduar…

8 minutes ago

Bllokohet plotësisht rruga Qafë Buall-Krastë pas shembjes së një masivi shkëmbor

Rruga Qafë Buall–Krastë, që lidh Bulqizën me zonën e Martaneshit, është bllokuar këtë të enjte pas shembjes së një masivi…

13 minutes ago

Vlora Çitaku: Është arritur marrëveshja për Ligjin për Dhomat e Specializuara

Ushtruesja e detyrës së kryetarit të Partisë Demokratike të Kosovës (PDK), Vlora Çitaku, ka konfirmuar se është arritur marrëveshje për…

14 minutes ago

Mbi 240 milionë euro mbështetje qeveritare për kompanitë vendase me kushte të volitshme

Edhe 45.2 milionë denarë janë transferuar nga buxheti Qendror në Bankën Zhvillimore për t’i mbështetur investimet që kanë realizuar kompanitë…

14 minutes ago