Categories: sport

Dokumentari i Prime Video zbulon përplasjen e Guardiolës me Walkerin dhe momentet më emocionale te Man City

Një seri e re dokumentare e Prime Video ka nxjerrë në dritë prapaskenat dhe emocionet e forta që shoqëruan dy sezonet e fundit të Pep Guardiolës në drejtimin e Manchester Cityt. Një prej episodeve më të tensionuara ishte përplasja e trajnerit katalanas me Kyle Walkerin në dhomat e zhveshjes, pas së cilës Guardiola u përlot.

Të lidhura

None found

Ngjarja ndodhi pas humbjes 2-0 ndaj Liverpoolit, në dhjetor të vitit 2024, dhe është përfshirë në dokumentarin me katër pjesë “A Beautiful Obsession”.

Walker e akuzoi Guardiolën se e përmendte vazhdimisht në kritikat që u drejtonte lojtarëve, edhe në situata kur gabimi nuk lidhej drejtpërdrejt me të.

“Ti vazhdon ta përmendësh emrin tim, në çdo mbledhje… Kam reaguar ndaj dikujt tjetër, e kam humbur topin dhe ti disi arrin ta përfshish emrin tim në këtë,” i tha mbrojtësi trajnerit.

Guardiola reagoi me tone të ndjera, duke i kërkuar Walkerit që të shprehej nëse e shihte atë si një problem.

“Nëse unë jam problem, duhet të ma thuash… kjo nuk do ta ndryshojë dashurinë që kam për të gjithë ju. As edhe për një sekondë. Por unë dua të luftoj. Kaq. Më fal”, u shpreh ai.

Pas asaj përballjeje, Walker luajti edhe vetëm shtatë ndeshje me Manchester Cityn. Më pas, ai u transferua te Milani në formë huazimi, ndërsa në vitin 2025 u largua përfundimisht nga klubi anglez për t’iu bashkuar Burnleyt.

Dokumentari pasqyron gjithashtu reagimin emocional të Kevin De Bruynes kur belgu mori vesh se Manchester City nuk do t’i ofronte një kontratë të re.

“Fëmijët e mi nuk duan të largohen… ka qenë një periudhë e vështirë për ne si familje”, pranoi De Bruyne, duke shfaqur emocionet e tij.

Një tjetër pjesë e serisë i kushtohet transferimit të Rayan Cherkit. Guardiola insistoi për afrimin e francezit, ndonëse drejtuesit e klubit kishin rezerva për reputacionin e tij si një futbollist “kaotik”.

Drejtori i futbollit Hugo Viana dhe CEO-ja Ferran Soriano fillimisht shfaqën dyshime për Cherkin, por Guardiola arriti t’i bindte që transferimi i tij ishte zgjedhja e duhur.

Sezoni i parë i Cherkit në Manchester City rezultoi mbresëlënës. Ai shënoi 10 gola dhe dha 15 asistime, duke ndihmuar skuadrën të fitonte FA Cup dhe Carabao Cup, të cilët ishin trofetë e fundit të Guardiolës përpara largimit të tij nga posti.

Në dokumentar, trajneri katalanas foli edhe për vështirësinë që mund të ketë rikthimi i tij në futboll.

“Do të jetë e vështirë të rikthehem, kjo është ndjesia ime sot… Ajo që kam gjetur, më duhet ta gjej veten paksa, në gjëra të ndryshme”, përfundoi Guardiola. //

të fundit

From Berlin, Mickoski warns of a difficult winter for North Macedonia and Europe

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

28 minutes ago

Coronavirus returns in North Macedonia as flu spreads rapidly

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

28 minutes ago

Chaos at Skopje’s “8 Shtatori” hospital: fire on seventh floor, patients evacuated

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

28 minutes ago

Nga Berlini, Mickoski paralajmëron dimër të vështirë për Maqedoninë e Veriut dhe Evropën

Kryeministri i Maqedonisë së Veriut, Hristijan Mickoski, ka paralajmëruar se vendin dhe Evropën i pret një dimër i vështirë, për…

45 minutes ago

Rikthehet koronavirusi në Maqedoninë e Veriut, ndërsa gripi përhapet me ritëm të shpejtë

Tri raste të reja me COVID-19 janë konfirmuar gjatë javës së kaluar në Maqedoninë e Veriut, sipas të dhënave të…

45 minutes ago

Kaos në spitalin “8 Shtatori” të Shkupit: Zjarr në katin e shtatë, pacientët evakuohen

Një zjarr ka shpërthyer në katin e shtatë të spitalit “8 Shtatori” në Shkup, duke shkaktuar shqetësim te pacientët dhe…

45 minutes ago