Në Angli ditën e sotme do të luhet një tjetër finale e rëndësishme e këtij sezoni. Derbi i Manchesterit ‘paralizon’ Anglinë.
Manchester City dhe Manchester United do të përplasin “brirët” mes tyre në orën 16:00. “Qytetarët” dhe “Djajtë” do të bëjnë mes tyre llogaritë e Kupës së Anglisë, sfidë që do të luhet në “Wembley”.
Një duel titanësh do të jetë mes dy ekipeve, të cilat do të luftojnë për çdo centimetër të fushës për fitoren. Skuadra e Pep Guardiolës pak ditë më parë fitoi titullin, ndërsa tashmë kërkon një tjetër trofe.
Ndërkohë nga krahu tjetër “djemtë” e Erik ten Hag pasi dështuan të sigurojnë një vend në kompeticionet europiane, e shikojnë Kupën e Anglisë si “shpëtimin” e këtij sezoni.
Ndeshje spektakolare, ku pritet të jetë ‘show” si në fushën e lojës ashtu edhe në tribuna.
