Ministri në detyrë i Rinisë dhe Sportit, Blerim Gashani, prezantoi para Asamblesë së Përgjithshme të Komitetit Ndërkombëtar të Lojërave Mesdhetare (ICMG) ecurinë e përgatitjeve të Kosovës për organizimin e Lojërave Mesdhetare Prishtina 2030.
None found
Gjatë raportimit, ai foli për punën e zhvilluar deri tani dhe rezultatet e arritura në kuadër të përgatitjeve për këtë ngjarje të rëndësishme sportive ndërkombëtare.
Përfaqësuesit e vendeve anëtare u njohën me hapat e ndërmarrë nga Kosova përmes materialeve vizuale, statistikave dhe të dhënave konkrete lidhur me organizimin e Lojërave.
Raportimi u zhvillua në kuadër të agjendës së rregullt të Asamblesë së Përgjithshme të ICMG-së, ku vendet nikoqire paraqesin përparimin dhe zhvillimet në përgatitje të edicioneve të ardhshme të Lojërave Mesdhetare.
Gjatë prezantimit ndodhi edhe një incident diplomatik. Delegacioni i Serbisë u largua nga salla në shenjë proteste dhe kundërshtimi, teksa po paraqiteshin përgatitjet e Kosovës për Prishtina 2030.
Megjithatë, largimi i delegacionit serb nuk e ndërpreu raportimin. Prezantimi vijoi dhe ekipi përgjegjës për organizimin e Prishtina 2030 paraqiti progresin e bërë deri më tani.
Kosova synon që gjatë katër viteve të ardhshme të përfundojë përgatitjet infrastrukturore dhe organizative, në mënyrë që të jetë gati për organizimin e Lojërave Mesdhetare në vitin 2030. /Kosovapress/
Tre të akuzuar në rastin për falsifikimin e patentë shoferëve e kanë pranuar fajin dhe janë dënuar me burgim në…
Ministria për Punë, Familje dhe Vlerat e Luftës Çlirimtare ka organizuar takimin e parë të Këshillit Nacional për Siguri dhe…
Drejtori i Institucionit Kombëtar Muzeu Historik – Krushevë, Miha Oxhaklieski, sot ka dhënë dorëheqje të parevokueshme nga detyra, duke theksuar…
Qeveria e Kosovës ka miratuar projektligjin për rialokimin e 102 milionë eurove në buxhet, mjete të cilat do të përdoren…
Ministrja e Drejtësisë, Donika Gërvalla, ka njoftuar se Komisioni për Legjislacion ka miratuar Projektligjin për Byronë Shtetërore, si dhe pesë…
Kryeministri i Kosovës, Albin Kurti, ka bërë thirrje për një marrëveshje të re politike për zgjedhjen e presidentit, në një…