Deklarata shokuese e Toni Kroos për Gjermaninë po bën jehonë në internet

Toni Kroos deklaroi në një podcast të ZDF se Gjermania nuk është më vendi që ishte 10 vjet më parë për shkak të migrimit masiv dhe se ai po qëndron në Spanjë sepse ka frikë ta lërë vajzën e tij të dalë natën në qytetet gjermane.

Kroos, i cili zhvilloi 114 paraqitje para se të tërhiqej nga futbolli profesionist të premten mbrëma pas humbjes së vendit të tij ndaj Spanjës në Euro 2024, i bëri komentet gjatë një paraqitjeje në podkastin ‘Lanz & Precht’.

Njeriu i quajtur lojtari më i suksesshëm i Gjermanisë ka jetuar në Spanjë për dekadën e fundit ndërsa luante për Real Madridin.

Kroos tha se ai do të qëndrojë në Spanjë me familjen e tij pavarësisht se karriera e tij e futbollit atje po përfundon, sepse Gjermania nuk është më i njëjti vend që “ishte dhjetë vjet më parë kur u larguam”.

Krahasuar me Spanjën, Kroos tha se ndihej më i shqetësuar për ta lënë vajzën e tij të dilte “në orën 23:00 në një qytet të madh gjerman”.

Ish-fituesi i Kupës së Botës tha se çështja e migrimit masiv ishte “vazhdimisht e pranishme” në Gjermani dhe se ishte bërë shumë “i pakontrolluar”.

Kroos shtoi se disa emigrantë ishin njerëz të mirë, por se, “Nëse nuk mund t’i dallosh nga ata që nuk janë të mirë për ne, do të jetë e vështirë në fund. Atëherë qëndrimi i gjermanëve do të bëhet gjithnjë e më i ndarë”.

Prezantuesi i podcastit Markus Lanz u pajtua me Kroos se: “Ka probleme kudo. Është shumë e mbushur me njerëz, ka shumë”, dhe se njerëzit nuk duhet të shahen si racistë për të folur për këtë.

Siç u theksua në atë intervistë, migrantët e nacionaliteteve të ndryshme janë përgjegjës për gati 6 në 10 krime të dhunshme në Gjermani, sipas shifrave të reja të publikuara nga qeveria federale.

Pavarësisht se përbënin afërsisht 14.6 për qind të popullsisë, migrantët e huaj ishin përgjegjës për 58.5 për qind të të gjitha krimeve të dhunshme. /Telegrafi/