Ajo është padyshim shamia më e shtrenjtë në botë. Pak kohë më parë, shamia që supozohet se i përket legjendës Lionel Mesi, të cilën ai e përdori për të fshirë lotët në konferencën për shtyp ku i dha lamtumirën FC Barcelonës, ka dalë në ankand për shumën e çmendur 1 milion dollarë
Dhe duket se ofertat nuk kanë munguar dhe kjo i ka çmendur të gjithë.
E radhës që ka bërë një cmenduri për të pasur facoletën që Messi fshiu lotët është edhe modelja e ‘’Playboy”, Luana Sandien, e cila ka ofruar 600 mijë dollarë për ta bërë të sajën.
‘’Unë jap gjysmë milioni për të pasur facoletën e Messit. Nuk e di nëse dikush tjetër e ka blerë por shpresoj që t’ia arrij”, tha modelja.
Ende nuk është e qartë nëse bukuroshja braziliane Sandien ka qenë e suksesshme në ofertën e saj për marrjen e shamisë, me të cilën planifikon të ‘pozojë e zhveshur’ me të nëse oferta pranohet.
27-vjeçarja jeton në Barcelonë dhe më parë i tha shtypit brazilian se “lojtarët e Barcelonës janë shumë më të nxehtë se ekipet e tjera.”
