“Ciao Cristiano”, vjen më në fund reagimi i Juventusit pas largimit të Ronaldos

Ronaldo para pak ditësh arriti marrëveshje me Man Utd për rikthimin e tij në Angli.

Juventusi më në fund i ka dhënë lamtumirën ish-yllit të tyre përmes një postimi në webfaqen e tyre.

“Më 10 korrik 2018, dy ikona të botës evropiane dhe të futbollit u bashkuan – Cristiano Ronaldo u bë lojtar i Juventusit. Sot, pas tre vitesh së bashku dhe 133 paraqitje, 101 gola të shënuar dhe pesë trofe të fituar, atij kapitulli i ka ardhur fundi…. Rrugët e CR7 dhe Juventus janë ndarë”.

“Atë ditë në korrik, kur Cristiano mbërriti në Torino, ndjenja elektrike e atyre ditëve të mrekullueshme mund të ndihej përmes ajrit. Tifozët e Juventusit e mirëpritën CR7 si një mbret, të etur për ta parë atë në fushë dhe për të brohoritur me të. Ishte një histori e madhe”.

“Ronaldo ishte lojtari i parë në historinë e Juventusit që shënoi të paktën 100 gola në të gjitha garat në tre sezonet e tij të para me klubin, dhe që nga ardhja e tij në Serie A, ai ka shënuar më shumë gola se çdo lojtar tjetër: 81, të paktën 10 më shumë se çdokush tjetër. Jo vetëm kaq, me titullin e lartpërmendur të golashënuesit më të mirë, ai gjithashtu u bë i pari që u ul në fronin e golashënuesve më të mirë në Serie A, LaLiga dhe Premier League”.

“Momentet e paharrueshme të përjetuara së bashku ishin të shumta. Ne mund t’i recitojmë dhe t’i rijetojmë, por nuk do të ndihmonte, sepse të gjithë kanë kujtesën e tyre të veçantë të lidhur me CR7. Të gjithë kanë një emocion të përbashkët që nuk ka nevojë të fshihet, sepse të gjithë do të kujtojnë gjithmonë atë që kanë ndjerë duke ecur së bashku në këtë pjesë të rrugës”.

“Sot ajo lidhje e lindur më 10 korrik, tre vjet më parë, është shpërbërë, por ajo që është shkruar do të mbetet përgjithmonë. Ka qenë një udhëtim i pabesueshëm”, shkroi klubi i Juventusit.

36-vjeçari kaloi te Man Utd për një shumë rreth 15 milionë euro, plus 8 të tjera në formë bonusesh.