Champions: Formacionet zyrtare Teuta-Sherif Tiraspol

Kampionia e Shqipërisë, Teuta do të zbresë në fushë pasditen e sotme për të tentuar të bëjë histori në Champions përballë kampionëve të Moldavisë, Sherif Tiraspolit.

Durrsakët do të luajnë sfidën e parë në stadiumin e tyre në ‘’Niko Dovana’’, një motivim ky për ‘’djemtë e detit’’ të cilët nisin aventurën në Ligën e Kampionëve nga shtëpia e tyre. Edi Martini në deklaratat e këtyre ditëve ka tentuar të mbajë skuadrën me këmbë në tokë, por nuk i ka fshehur ambiciet për kalimin e raundit.

Afrimi i emrave si Kallaku, Georgiev dhe Seferi, ka rritur mjaft cilësitë në radhët e kampionëve të Shqipërisë, të cilët i kan të gjitha gjasat ta nisin me këmbë të mbarë kompeticionin. Sa i përket formacioneve, trajneri Martini nuk i ka kursyer afrimet e reja duke aktivizuar nga minuta e parë Kallakun dhe Seferin, teksa së bashku me ta në sulm do të jenë dhe Lorenco Vila dhe Dejvi Bregu nga krahët.

FORMACIONET ZYRTARE

TEUTA: Frashëri, Todorovski, Hoxha, Arapi, Xhakson, E.Vila, Aleksi, L.Vila, Kallaku, Bregu, Seferi, Trajner: Edi Martini.

SHERIF TIRASPOL: Athansladis, Kristiano, Arboleda, Kjabu, Dualnto, Julen, Dago, Till, Traore, Livanor, Kastaneda, Trajner: Juri Vernidub.