Bild paraqet katër mundësi për të ardhmen e Olises mes interesimit të Real Madridit

Michael Olise synon një kalim spektakolar te Real Madridi dhe, sipas raportimeve, këtë dëshirë ua ka shprehur edhe bashkëlojtarëve të Francës gjatë Kupës së Botës.

Megjithatë, Bayern Munich e vlerëson anësorin si lojtar të paprekshëm. Gazeta BILD ka renditur katër variante të mundshme që mund të përcaktojnë vijimin e kësaj çështjeje.

Në skenarin e parë, bavarezët do t’i rezistonin interesimit nga Spanja duke i propozuar Olises një rinovim me pagë mbi 25 milionë euro në sezon. Një marrëveshje e tillë do ta vendoste atë mes futbollistëve më të paguar të klubit, në të njëjtin nivel me Harry Kane dhe Jamal Musiala.

Mundësia e dytë parashikon që Olise të mos pranojë kontratën e re, por njëkohësisht të respektojë qëndrimin e prerë të Bayernit dhe të vijojë të luajë në Allianz Arena, ku do të ruante formën e tij të nivelit botëror.

Një tjetër rrugë, më e tensionuar, do të ishte insistimi i fortë i lojtarit për t’u transferuar në Madrid. Kjo mund të sillte një përplasje të madhe me drejtuesit e klubit, larg vëmendjes publike.

Skenari i fundit do të ishte dorëzimi i Bayernit përballë presionit dhe pranimi i shitjes së Olises te Real Madridi, kundrejt një shume historike dhe astronomike transferimi. //