Bayern Munich thuhet se është i interesuar për mbrojtësin e Juventusit, Danilo, por klubi italian po kërkon 30 milionë euro për brazilianin.
Sipas mediumit Sky Sport Italia, kampionët e Bundesligës kanë pyetur për mbrojtësin brazilian, por Juventusi e ka refuzuar qasjen.
Bavarezët janë në kërkim të një mbrojtësi të ri të djathtë dhe trajneri Julian Nagelsmann, sipas raportit, ka synuar Danilon si përshtatjen perfekte në Allianz Arena.
Danilo mbërriti nga Manchester City në gusht 2019, kur Joao Cancelo shkoi në drejtim të kundërt dhe ka luajtur 78 ndeshje me Zonjën e Vjetër që nga ardhja.
Paraqitjet e tij në sezonin 2020/21 në Serie A i siguruan atij një vend në skuadrën e Brazilit në Copa America këtë verë, ku ai luajti shtatë ndeshje në garën që Selecao e humbi vetëm në finale kundër Argjentinës.
Juventusi nuk ka ndërmend të shesë ish-lojtarin e Real Madridit dhe Manchester Cityt dhe i ka kërkuar Bayern të paguajë të paktën 30 milionë euro për 30-vjeçarin.
Shuma e kërkuar do të jetë shumë për Bayern dhe negociatat për këtë arsye kanë ngecur.
