Barcelona po përgatit një ofertë prej 25 milionë eurosh për Andrea Cambiason, pasi Hansi Flick dhe drejtori sportiv Deco e konsiderojnë mbrojtësin e Juventusit zgjedhjen e duhur për krahun e majtë.
Sipas gazetarit Ekrem Konur, klubi katalanas dëshiron ta afrojë italianin për të mbuluar largimin e mundshëm të Alejandro Baldes, i cili pritet të largohet në afatin kalimtar të janarit pasi nuk bën më pjesë në planet kryesore të Flickut.
None found
Juventusi, megjithatë, nuk pranon ta shesë Cambiason për një shumë nën 40 milionë euro, çka ka krijuar një hendek të madh mes kërkesës së klubit torinez dhe ofertës së Barcelonës.
Ajo që e bën veçanërisht tërheqës Cambiason për drejtuesit katalanas është aftësia e tij për të luajtur në pozita të ndryshme në të dy krahët e mbrojtjes. Për të ngushtuar diferencën financiare, Barcelona po shqyrton mundësinë që në marrëveshje të përfshijë edhe Balden si pjesë të një shkëmbimi.
Futbollisti 23-vjeçar ka humbur pozicionin në hierarkinë e mbrojtësve të majtë të Barcelonës, ndërsa në ndeshjet e fundit është aktivizuar kryesisht për shkak të lëndimeve të bashkëlojtarëve.
Raportimet bëjnë të ditur se gjatë verës Baldes iu komunikua se nuk ishte ndër alternativat prioritare të stafit teknik. Për këtë arsye, Barcelona dhe lojtari kishin diskutuar një largim të mundshëm në mes të sezonit, por vetëm nëse klubi do të gjente një zëvendësues të denjë.
Juventusi ndërkohë ka një pozicion të favorshëm negociues, pasi kontrata e Cambiasos skadon në qershor të vitit 2029.
Klubi nga Torino nuk ka nevojë të nxitojë për ta shitur një lojtar të rëndësishëm të formacionit. Një largim do të shqyrtohej vetëm në rast se oferta do t’i mundësonte Juventusit të investonte në një zëvendësues të përshtatshëm.
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…
Paris Saint-Germaini ka nisur kërkimet për një përforcim në repartin ofensiv për afatin kalimtar të janarit, pasi drejtori sportiv Luis…
Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…
Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…
Durim Halilaj, anëtar i Kryesisë së Aleancës, ka reaguar lidhur me rritjen e borxhit të familjeve në Kosovë përmes mbitërheqjeve…