Barcelona është duke kërkuar një trajner të ri dhe mediat spanjolle shkruajnë se tashmë janë takuar me trajnerin e Arsenalit, Mikel Arteta, pasi ata kërkojnë të zëvendësojnë Xavi në verë.
Në janar, Xavi njoftoi se do të largohej nga klubi katalanas në fund të sezonit aktual. Që atëherë, drejtori sportiv i Barcelonës Deco ka punuar në prapaskenë për të finalizuar marrëveshjen me një trajner të ri përpara sezonit 2024/25.
Sipas Relevo, Barça po shikon një lëvizje për shefin e Arsenalit, Mikel Arteta si zëvendësues i mundshëm për Xavi dhe Deco thuhet se ka qenë në kontakt me trajnerin spanjoll.
Drejtori sportiv dhe presidenti i klubit Joan Laporta e pëlqejnë trajnerin e Topçinjve, megjithëse ai ka një kontratë me gjigantët e Ligës Premier deri në vitin 2025.
Javën e kaluar, gazetari Florian Plettenberg raportoi se gjigantët katalanas kanë zhvilluar ‘bisedime konkrete’ me ish-trajnerin e Bayern Munich dhe Gjermanisë, Hansi Flick, për t’u bërë trajneri i tyre i ardhshëm.
Trajneri i Sporting, Ruben Amorim gjithashtu është lidhur me një kalim te gjiganti katalanas.
