Nedim Bajrami është gati për të debutuar me fanellën e Rangers në kampionatin skocez. Mesfushori shqiptar iu bashkua skuadrës së Philippe Clement në orët e fundit të merkatos muajin e kaluar. Ai nuk ishte i grumbulluar në ndeshjen e fundit para pushimit ndërkombëtar, por luajti për Shqipërinë në ndeshjet kundër Ukrainës dhe Gjeorgjisë. 25-vjeçari është gati për debutimin e tij në transfertën e së dielës kundër Dundee United.
“Kur dëgjova se Rangers më kërkonte, u emocionova. Agjenti im dhe unë shkuam në Londër dhe të nesërmen fluturova në Glasgoë, takova menaxherin dhe më pas shkuam në Ibrox. Kam nënshkruar ditën e fundit, ishte një ditë stresuese, por isha vërtet i lumtur që iu bashkova Rangers, një klub kaq i madh me shumë histori. Më pas u largova me ekipin kombëtar, kështu që sot ishte seanca ime e parë stërvitore dhe ishte e mrekullueshme të takova të gjithë.
Jam gati të luaj pasi sapo kam luajtur dy ndeshje për Shqipërinë, por varet nga trajneri nëse luaj. Kemi presion çdo javë këtu. Jam i lumtur që kam atë presion dhe kjo më pëlqen. Unë gjithmonë do të bëj më të mirën për ekipin. “Më pëlqen të luaj me top dhe në shumicën e ndeshjeve ne e zotërojmë topin gjatë ndeshjes, do të përpiqem të shënoj sa më shumë gola dhe asistime për të ndihmuar ekipin.
Unë po kërkoj të përshtatem sa më shpejt që të jetë e mundur dhe qëllimi im këtu është të fitoj trofe, të bëj më të mirën për ekipin dhe tifozët”, ka thënë mes të tjerash mesfushori shqiptar në konferencën për shtyp në prag të ndeshjes së Rangers do të zhvillojë kundër Dundee Utd të dielën.
