Categories: sport

Arsenali synon yllin e PSG-së nëse nuk arrin transferimin e Viniciusit

Arsenali thuhet se po planifikon një përpjekje të papritur për një futbollist që është objektivi kryesor i një rivali në Ligën Premier, nëse nuk ia del të sigurojë Vinicius Junior.

Të lidhura

None found

Pas disa javësh bisedimesh, “Topçinjtë” duket se e kanë mbyllur më në fund marrëveshjen për përforcimin e tyre kryesor, Bruno Guimaraes. Klubi londinez ka rënë dakord me Neëcastle United për transferimin e tij, i cili vlerësohet rreth 87 milionë euro.

Gjatë kësaj jave, mesfushori pritet të kryejë kontrollet mjekësore dhe më pas të nënshkruajë kontratën. Sipas raportimeve, marrëveshja do ta mbajë atë në “Emirates” deri në vitin 2031.

Pasi të përfundojë transferimin e Guimaraes, Arsenali pritet t’i drejtohet shokut të tij te kombëtarja e Brazilit, Vinicius Junior. Sulmuesi vijon të përmendet si një kandidat për t’u larguar nga Real Madridi gjatë kësaj vere.

Braziliani nuk ka gjetur ende gjuhën e përbashkët me klubin madrilen për zgjatjen e kontratës aktuale, e cila përfundon verën e ardhshme. Bisedimet raportohet se janë bllokuar për shkak të disa pretendimeve të konsiderueshme financiare nga ana e lojtarit.

Nëse Vinicius vendos të largohet nga “Santiago Bernabeu”, Arsenali shihet si alternativa më e mundshme për të. Pavarësisht kësaj, drejtuesit e Real Madridit janë të vendosur të bëjnë çdo përpjekje për ta bindur brazilianin që të vazhdojë qëndrimin në klub.

Nëse ai nuk e pranon kalimin në “Emirates”, Arsenali është përgatitur të ndryshojë drejtim dhe të sfidojë Liverpoolin për sulmuesin e Paris Saint-Germainit, Bradley Barcola.

talkSPORT raporton se londinezët kanë shfaqur interes për futbollistin francez, pasi gjatë muajve të fundit ai ka hedhur poshtë disa propozime të PSG-së për rinovimin e kontratës.

Megjithatë, në rast se largohet nga Parisi këtë verë, Barcola vazhdon të konsiderohet më afër Liverpoolit. Dy klubet tashmë i kanë nisur negociatat për një transferim të mundshëm.

Edhe sikur Arsenali të hyjë në garë dhe ta fitojë duelin me Liverpoolin për francezin, klubi londinez duhet të shpenzojë afërsisht 162 milionë euro, shumë që PSG e kërkon për kartonin e tij.

të fundit

Video: drunk son approaches enraged bull in arena, mother rushes in to save him

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

3 hours ago

Smart glasses and micro cameras in South Korea’s national exam, 111 candidates suspected of violations

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

3 hours ago

VIDEO/ Djali i dehur i afrohet demit të tërbuar në arenë, nëna futet me vrap për ta shpëtuar

Një nënë në Kolumbi është bërë virale në rrjetet sociale pasi u fut pa hezitim në një arenë demash për…

3 hours ago

Syze inteligjente dhe mikrokamera në provimin kombëtar të Koresë së Jugut, 111 kandidatë dyshohen për shkelje

Autoritetet në Korenë e Jugut kanë zbuluar 111 raste të dyshuara për shkelje të rregullave të provimit kombëtar të pranimit…

4 hours ago

Propozimi i ri i Wenger për pozitën jashtë loje fokusohet te pjesa e sipërme e trupit

Arsene Wenger nuk ka hequr dorë nga ideja për ta ndryshuar rregullin e pozitës jashtë loje. Pasi propozimi i tij…

4 hours ago

Storms and snow” / weather forecast for the weekend and next week, here’s what meteorologists warn

Sinoptikania e Shërbimit Meteorologjik Ushtarak, Besa Sherollari, ishte sot në një lidhje të drejtpërdrejtë televizive, ku bëri parashikimin e motit…

4 hours ago