Arsenali synon një tjetër yll të Real Madridit përveç Vinicius Jr

Arsenali, kampioni i Anglisë, pritet të jetë mjaft aktiv në tregun e Real Madridit gjatë afatit kalimtar të verës, pasi Vinicius Junior nuk është lojtari i vetëm që kërkohet nga londinezët.

Gazetari i ESPN, Alex Kirkland, ka raportuar përmes CaughtOffside se Topçinjtë po monitorojnë konkretisht edhe një futbollist tjetër të paidentifikuar të skuadrës madrilene, krahas objektivit kryesor Vinicius Junior.

Duke folur në kanalin e Charles Watts në YouTube, Kirkland bëri të ditur se kolegu i tij, Rodra, kishte konfirmuar praninë e një ylli të dytë të klubit nga Santiago Bernabeu në listën e ngushtë të transferimeve të Arsenalit.

Arda Guler dhe Endrick shihen si dy prej alternativave të mundshme. Megjithatë, talenti turk kishte shprehur më herët synimin për të vazhduar qëndrimin në Madrid, pavarësisht kritikave të Arsenalit.

E ardhmja e Endrick konsiderohet disi më e paqartë për shkak të konkurrencës së madhe në repartin ofensiv të Real Madridit, çka e bën brazilianin një kandidat të besueshëm.

Në listën e opsioneve përfshihen gjithashtu mesfushorët Federico Valverde dhe Aurelien Tchouameni, sidomos pas raportimeve se mes tyre pati mosmarrëveshje gjatë stërvitjeve në sezonin e kaluar.

Sidoqoftë, duke qenë se Arsenali po avancon në negociatat për Bruno Guimaraes të Neëcastle, mundësia e një oferte për një lojtar sulmues si Endrick ose Guler vlerësohet më e madhe.