Edhe pse është 36 vjeç, Amir Abrashi vazhdon të ketë rol të rëndësishëm te Grasshopperi, duke dëshmuar sërish vlerën e tij në fushë.
Kapiteni shqiptar ishte ndër emrat kryesorë në triumfin 2-0 të skuadrës zvicerane përballë St. Gallenit, në kuadër të Superligës së Zvicrës.
None found
Abrashi e gjeti rrjetën në minutën e 36-të, ndërsa kontribuoi edhe në mesfushë me një paraqitje solide, duke ndihmuar Grasshopperin të administronte avantazhin dhe të përfundonte ndeshjen pa pësuar gol.
Ky realizim vjen si një tjetër moment pozitiv për të në startin e sezonit. Pas një periudhe gjashtëvjeçare pa shënuar në Superligën e Zvicrës, Abrashi tashmë ka dy gola në pesë xhirot e para.
Bilanci i tij në pesë ndeshjet e para është tri kontribute në gola: dy realizime dhe një asistim.
Mesfushori kishte shënuar më parë kundër Servettes, ndërsa ndaj Vaduzit ishte regjistruar si asistues. Në takimin e fundit, ai realizoi sërish, këtë herë përballë St. Gallenit.
Përvoja dhe aftësitë drejtuese e mbajnë Abrashin ndër lojtarët më të rëndësishëm të Grasshopperit. Pavarësisht moshës, kapiteni shqiptar vazhdon të jetë një pikë kyçe për ekipin zviceran.
Një pjesë të konsiderueshme të karrierës së tij Abrashi e ka kaluar te Grasshopperi, me të cilin ka krijuar një raport të veçantë dhe ku tashmë vlerësohet si një nga figurat më të spikatura të viteve të fundit. /Telegrafi/
Tri zyrtare nga Kosova diplomuan në Akademinë Kombëtare të FBI-së, bëri të ditur Ambasada e SHBA-së në Kosovë. Në njoftimin…
Partia Demokratike e Kosovës ka kritikuar Projektbuxhetin për vitin 2027, duke vënë në pikëpyetje ndikimin e rritjes së planifikuar të…
Deputeti shqiptar në Kuvendin e Serbisë, Shaip Kamberi, ka deklaruar se të drejtat dhe barazia e shqiptarëve në Luginën e…
Kryetari i Lidhjes Demokratike të Kosovës (LDK), Lumir Abdixhiku, ka kritikuar sot projektbuxhetin 2027, duke thënë se politikat e Qeverisë…
Me ftesë të Kancelarit Federal të Gjermanisë, Friedrich Merz, Kryeministri i Shqipërisë, Edi Rama, mori pjesë sot në takimin e…
Bashkia e Vlorës për vitin 2027 parashikon të ketë një buxhet rreth 82 milionë euro, ndërsa koha e shpalljes së…