Pak orë më parë dolën në dritë pamjet ku presidenti i Vllaznisë, Alban Xhaferi, godet me grusht asistentin e arbitrit në takimin Elbasani-Vllaznia, Ergys Spahiun. Menjëherë pas përhapjes së tyre, vetë drejtuesi i klubit shkodran ka dalë me një deklaratë publike.
None found
Xhaferi shfaqet i penduar për veprimin e tij, duke i shprehur keqardhje të thellë arbitrit dhe familjarëve të tij. Gjithashtu, presidenti kuqeblu saktëson se çështja mes tyre tashmë është zgjidhur në mënyrë miqësore.
Në reagimin e tij, ai thekson se pavarësisht rrethanave të tensionit të lartë psikologjik, asgjë nuk mund ta justifikojë atë sjellje. “I kërkoj ndjesë thellësisht dhe publikisht arbitrit Ergys Spahiu dhe të gjithë familjes së tij. Ai nuk kishte asnjë përgjegjësi në këtë përplasje dhe reagimi im ishte krejtësisht i gabuar. Tani gjithçka është sqaruar mes nesh me mirëkuptim dhe respekt reciprok,” shprehet Xhaferi.
Kreu i klubit shkodran kërkon falje edhe tek opinioni publik dhe çdo familje shqiptare, duke nënvizuar se një veprim i tillë nuk pasqyron as edukatën e tij personale dhe as vlerat që ai mbron. Ai sqaron se përplasja e tij nuk është me individë, por me një sistem që, sipas bindjes së tij, po minon besueshmërinë në futbollin shqiptar. Për këtë, i bën thirrje presidentit të FSHF-së, Armand Duka, që së bashku me klubet dhe aktorët e tjerë të ndërtojnë një sistem më transparent dhe të ndershëm.
Në fund, Xhaferi sfidon mediat që kanë zhvendosur vëmendjen tek ai personalisht, duke i ftuar që ta gjykojnë për gabimet e tij, por pa i përdorur ato si mbulesë për problemet reale të futbollit. Ai siguron se, pavarësisht gabimeve njerëzore, do të vijojë të luftojë për Vllazninë dhe një futboll shqiptar më të drejtë.
Evropa po hyn në një periudhë vendimtare zgjedhore, ku rezultatet e votimeve në disa prej vendeve më të mëdha të…
Talenti i Barcelonës, Xavi Espart, ka bërë të qartë se nuk e sheh veten asnjëherë duke luajtur për rivalin e…
Jamal Musiala ka përjetuar vetëm dy episode neurologjike gjatë periudhës 12-javore të rikuperimit nga lëndimi muskulor, pavarësisht shqetësimeve në rritje…
Dashi Çdo aktivitet i mundshëm do të jetë i mirë për ju. Do të përpiqeni që çdo gjë ta shikoni…
Villarreali është larguar i revoltuar nga “Spotify Camp Nou”, pas humbjes 3-2 nga Barcelona, duke shprehur pakënaqësi të mëdha ndaj…
Evropa po hyn në një periudhë vendimtare zgjedhore, ku rezultatet e votimeve në disa prej vendeve më të mëdha të…