5% të aksioneve të klubit dhe 500 mijë euro në ditë, Cristiano Ronaldo firmos kontratën e re te Al Nassr

Një nga futbollistët më të mëdhenj të të gjitha kohërave, Cristiano Ronaldo, ka firmosur një kontratë të re me Al Nassr.

Gjatë javëve të kaluara u përfol se zgjatja e kontratës mund t’i sigurojë Ronaldos 200 milionë euro në vit, që përkthehet në rreth 16.6 milionë euro në muaj dhe mbi 500 mijë euro në ditë.

Përveç kësaj, ai do të zotërojë edhe 5% të aksioneve të klubit.

Portugezi kishte një kontratë të vlefshme deri në fund të qershorit 2025, dhe sipas burimeve nga Arabia Saudite, klubi pritet të konfirmojë zyrtarisht vazhdimin e bashkëpunimit në ditët në vijim.