UEFA ka emëruar të nominuarit pr çmimin e trajnerit të vitit 2021/22.
Lista e tre kandidatëve përfshinte Carlo Ancelotti ( Real Madrid), Jurgen Klopp ( Liverpool) dhe Pep Guardiola (Manchester City).
Nën drejtimin e Ancelottit, klubi madrilen fitoi La Ligën dhe Ligën e Kampionëve sezonin e kaluar.
Klopp fitoi Kupën FA dhe Kupën e Ligës angleze me Liverpoolin, si dhe arriti në finalen e Champions League dhe luftoi për fitoren në Premier League deri në raundin e fundit.
Manchester City ka fituar titullin e Premierligës për herë të katërt në pesë vjet nën drejtimin e Guardiolës.
Emri i fituesit do të shpallet gjatë shortit të fazës së grupeve të Ligës së Kampionëve, i cili do të zhvillohet më 25 gusht. /albeu.com/
