“Procesi është i rregullt”, Gjana fton demokratët të zgjedhin kryetarin e ri

Kreu i Komisionit të Zgjedhjeve në PD, Jemin Gjana, në një deklaratë për mediat ka ftuar anëtarësinë e Partisë Demokratike, që ditën e shtunë tu drejtohen qendrave të votimit për të zgjedhur kryetarin e ri.

Gjana theksoi se procesi është legjitim, edhe pse Këshilli Kombëtar një ditë më parë vendosi anulimin e zgjedhjeve.

“Ftesa ime për të gjithë demokratët është ti bashkëngjiten procesit të votimit. Ftesa është e hapur, legale, statutore, jo vetëm për ata që janë pjesë e listave të miratuara, por ftesa është e hapur për të gjithë demokratët që disponojnë dokumentet e anëtarësimit në PD, të cilët me testen e PD nuk kanë punuar për partitë e tjera politike, pjesa e rithemelimit nuk mund të bëhet pjesë, gjithë pjesa tjetër e demokratëve është e ftuar t’i bashkohet nesër procesit. Zhvillimet janë të forta, të bujshme, muajt e sotme janë të nxehtë, por muajt e vjeshtë s’do jenë akoma më të nxehtë. Duke e mbyllur këtë komunikim para hapjes së kutive të votimit, i ftoj të gjithë demokratët të bëhen pjesë e këtij votimi legjitim për garën për kreun e PD”, tha Gjana.