“Fast Albania” ka arrestuar në Durrës rusin me rrezikshmëri të lartë, Denis Borisov, i cili kërkohej ndërkombëtarisht për trafik droge.
28-vjeçari, i dënuar me vendim gjykate në Gjermani, u arrestua në ambientet e një hoteli në rrethrrotullimin e Durrësit.
Njoftimi:
Policia e Shtetit
Finalizohet një tjetër operacion për kapjen e personave me rrezikshmëri të lartë, të shpallur në kërkim ndërkombëtar.
Operacioni, nga FAST Albania, në bashkëpunim me DVP Durrës, Interpol Tirana dhe Interpol Ëiesbaden,Gjermani.
Kapet në Durrës, një shtetas rus i shumëkërkuar nga drejtësia gjermane, për trafikim të narkotikëve.
Në vijim të punës për kapjen e personave të shpallur në kërkim ndërkombëtar, falë edhe shkëmbimit të informacioneve dhe bashkëpunimit me homologët gjermanë, FAST Albania, në bashkëpunim me DVP Durrës dhe Interpol Tirana, organizoi dhe finalizoi operacionin policor të koduar “Kempten”.
Si rezultat i këtij operacioni, në ambientet e një hoteli në rrethrrotullimin e Durrësit, u arrestua nga FAST Albania, shtetasi Denis Borison, 28 vjeç, lindur në Rusi dhe rezident në Gjermani.
Ky shtetas ishte shpallur në kërkim ndërkombëtar nga autoritetet gjermane, pasi Gjykata e Kempten, Bavari, i ka caktuar masën e sigurisë “Arrest në burg, për veprën penale “Trafikimi i narkotikëve”, parashikuar nga Kodi Penal gjerman.
28-vjeçari, në bashkëpunim me shtetas të tjerë, shqiptarë dhe gjermanë, ka trafikuar sasi të mëdha lëndësh narkotike kanabis dhe kokainë, nga Spanja dhe Shqipëria drejt Gjermanisë.
Interpol Tirana, në bashkëpunim me Interpol Ëiesbaden,Gjermani, vijon punën për ekstradimin e këtij shtetasi drejt Gjermanisë.
